مناسبة القصيده عندما قال شخص ان الجشوش في ماضي الوقت لا يوجد فيهم امير
ولم نسمع عن افعالهم شي .وكتبت القصيده ووضحت فيها القليل من فعول الجشوش
وان في الوقت الحاظر يوجد لهم ديـار ومراكز من افضل ديار مطير ومن افضل امرائهم
ولكم القصيده لعلها ترتقي لذائقتكم
ياللي تسب الجشوش الجش قـدره كبيـر
مير الجمل وش يهمه لو يحـن ّ الحـوار
محد ٍ مصدقك دام الكـذب حبلـه قصيـر
لكـن لاتنفـخ الشعلـه يطيـر الشـرار
ماشـدد بيوتنـا قدمـك علـوم النـذيـر
تهابنا القـوم لـو الوقـت والكثـر جـار
وان قلت وقت ٍ مضى الجش من دون امير
الروس متساويـه مافيـه روس ٍ صغـار
من الزمان القديم الليـا الزمـان الاخيـر
والجش ضرب المثل في هيبتـه والوقـار
اهل الوفا والنقى والخيـل واهـل البعيـر
واهل البيوت الكبيره والصحـون الكبـار
اشراف سماهم اللـي قـاد رايـة مطيـر
يوم اللتقو من طلوع الشمس لتـلا النهـار
بالخيل والرمح والشلفا وسيـف ٍ شطيـر
وقت ٍ غدا الجو نار وشبت الارض نـار
نسكر سطر لا تلاقينـا وصـاح المغيـر
هدّاتنـا هـدّت العقـبـان والا الـحـر
وهرج ٍ بليـا حقايـق مايجيلـه ضميـر
ولايرفع المنزلـه فعـل ٍ يجـي مستعـار
واليوم كل ٍ يشيل السيف وسـط الجفيـر
والحـال مستـور والبنـدق بليـا عيـار
والوقت غير امس والدنيا رحاهـا تديـر
واللي ورى البيت ينزل صار شبّاب نـار
صلو على اللي شفيع ٍ بعـد ماجـا نذيـر
لأمـة محمـد بدنياهـا و وقـت القـرار